Энергетикалық инфрақұрылымды жаңғырту – ауылдың әлеуметтік дамуы мен тұрғындардың өмір сапасын арттырудағы маңызды қадам. Осы орайда Тайтөбе ауылында газдандыру жұмыстары жүйелі түрде жүзеге асуда.
Посмотреть эту публикацию в Instagram
2022 жылы елді мекенде газ тарату желілерін салу жобасы әзірленіп, тиісті сараптамадан оң қорытынды алынған болатын. Жобаның жалпы құны — 1,8 миллиард теңге. Бұл бағыттағы жұмыстар Қосшы қаласынан тартылатын газ желісі арқылы іске асырылуда.
2024 жылдың қыркүйек айында өткізілген конкурстың қорытындысы бойынша «Газовое хозяйство Шымкентгаз» ЖШС мердігер ұйым ретінде бекітіліп, құрылыс-монтаж жұмыстарын бастаған. Ал техникалық қадағалауды «Астанастройинжиниринг» ЖШС, авторлық қадағалауды «Жамбылгаз» ЖШС жүзеге асыруда.
Қазіргі уақытта Тайтөбе ауылында ішкі кварталдық газ желілерін тарту қарқынды жүріп жатыр. Оның ішінде төмен қысымды желілердің ұзындығы – 15,4 шақырым, ал орта қысымды желілер – 2,8 шақырымды құрайды.
Айта кетерлігі, бұл жоба Астана агломерациясының кешенді жоспарына енгізілген. Бұл өз кезегінде Тайтөбенің инфрақұрылымдық дамуына жаңа серпін беріп, тұрғындарға қолайлы өмір сүру жағдайын қамтамасыз етпек.
