Зеренді ауданының полиция бөлімімен құрбаны жергілікті тұрғын болған алаяқтық фактісі бойынша сотқа дейінгі тергеу жүргізілді.
Өтініш берушінің айтуынша, 2025 жылдың қараша-желтоқсан айлары аралығында белгісіз адамдар оның атына заңсыз төрт ақшалай несие ресімдеген. Келтірілген залалдың жалпы сомасы шамамен 2 000 000 теңгені құрады.
Өтініш келіп түскеннен кейін полиция қызметкерлері дереу қылмыстық іс қозғап, алғашқы жедел-іздестіру іс-шараларының кешенін өткізді. Тергеу барысында алаяқтық жасауға өгей әкесінің ұялы телефонына және оның дербес деректеріне еркін қол жеткізген жәбірленушінің өгей баласының қатысы бар екені анықталды.
Полицейлердің анықтамасы бойынша, күдікті сенімге кіріп, банктің мобильді қосымшасы арқылы бірнеше несие ресімдеген.
Қазіргі уақытта осы дерек бойынша одан әрі сотқа дейінгі тергеу жүргізілу үстінде, болған оқиғаның барлық мән-жайлары анықталуда. Полиция қызметкерлері азаматтарға туыстар бітімге келсе де, цифрлық қауіпсіздік шараларын сақтау керектігін ескертеді.
Полицейлер ешкімге мобильді құрылғыларды бермеуге, бөгде адамдарға банктік қосымшалардан SMS-кодтар мен парольдерді айтпауға, сондай-ақ дербес деректерді қорғаудың қосымша тәсілдерін орнатуға кеңес береді. Телефонға еркін қол жеткізе алатын туыстар да жеке ақпаратты заңсыз мақсатта пайдалануы мүмкін.
