Целиноград ауданының Ыбырай Алтынсарин ауылының тұрғындары үшін тағы бір қуанышты жаңалық!
Ауылға сыйымдылығы 21 орындық, ұзындығы 9 метр болатын жаңа заманауи автобус берілді. Бұл – тұрғындардың күнделікті өмірін жеңілдетуге бағытталған нақты істің нәтижесі.
Сонымен қатар, Астана – Ыбырай Алтынсарин бағытындағы №319 автобус маршрутына қосымша 5 автобус шығарылып, қозғалыс аралығы 20 минутқа дейін қысқарды. Енді ауыл тұрғындары елордаға қатынауда уақытын үнемдеп, қоғамдық көлік қызметін әлдеқайда ыңғайлы пайдалана алады.
Бұл тек жаңа автобус емес – бұл тұрғындардың сұранысына берілген нақты жауап, ауыл мен қала арасындағы байланысты нығайтатын маңызды қадам.
Халықтың тұрмыс сапасын арттыру, инфрақұрылымды дамыту және жайлы өмір сүруге жағдай жасау бағытындағы жұмыстар алдағы уақытта да жалғасын табады.
