Ақмола облысының әкімі Марат Ахметжанов Қосшы қаласындағы «Ынтымақ» тұрғын үй кешенінде тұратын Жұлдызай Қартабаева отбасының үйіне барып, тұрмыс жағдайымен танысты. Аймақ басшысы пәтердің техникалық ахуалын зерделеп, жылу жүйесінің жұмысын өз қолымен тексерді.
Жұлдызай Қартабаева аталған баспананы әлеуметтік осал топ санаты бойынша алған. Осыған байланысты тұрғын үйдің сапасы мен инженерлік жүйелердің қауіпсіздігі – жергілікті атқарушы органдардың тұрақты бақылауында.
Облыс әкімі мердігер ұйым мен Қосшы қаласының әкімдігіне жылу маусымының қалыпты өтуін қамтамасыз етуді тапсырды.
Марат Ахметжановтың айтуынша, өңірдегі әлеуметтік саясаттың басты бағыты – халықтың әл-ауқатын арттыру және ерекше қолдауды қажет ететін азаматтарға жан-жақты жағдай жасау.
