Қазақ қолөнерінің көркемдік мұрасы – киіз басу өнері. Киізден тұрмысқа қажетті бұйым жасап, оған ою-өрнек түсіру дәстүрі ғасырлар бойы жалғасып, бүгінгі күнге дейін өз құндылығын жоғалтпай келеді.
Халқымыз жүннен киіз басып, туырлық, үзік, түңлік, текемет, сырмақ, тұскиіз сынды тұрмыстық бұйымдардың сан түрін жасаған. Бүгінде бұл өнер – ұлттық мәдениеттің тамыры терең, ерекше дереккөзі.
Сырмақ жасаудың шебері — Әлия Сапарбекқызы Қалиасқарова
Шеберлік жолын 2019 жылы бастаған Әлия апай бала күнінен әжесінен көрген тәлімді бүгінгі еңбегіне арқау еткен. Жүн жуып, түту секілді нәзік істі меңгерген ол бүгінде кәсібін дөңгелетіп, 100-ден аса сырмақ дайындап, шетелдік көрмелерге ұсынған.
Оның қолөнер туындылары АҚШ, Дания, Францияда жоғары сұранысқа ие.
Биыл шебер «Бір ауыл – бір өнім» жобасының өңірлік кезеңінің жеңімпазы атанды.
Бұл жоба өңірдегі бірегей өнімді анықтауға, жергілікті тауар өндірісін дамытуға және ұлттық бренд қалыптастыруға бағытталған.
Қолөнер сүйер қауымға!
Егер табиғи жүннен жасалған ұлттық нақыштағы сырмақ сатып алғыңыз келсе, немесе шебердің туындыларымен танысып, шеберлік сағатына қатысам десеңіз – Қосшыға келіңіз!
Қосшы қаласының мәдениет орталығы, Қоғамдық мәдени-спорт кешенінің креативті көрме залы.
