8 қараша күні таңғы сағат 08:30 шамасында Ақмола облысы Целиноград ауданына қарасты Қоянды ауылындағы «Қанағат» дүкенінде өрт шықты, деп хабарлайды Nayzakokshe.kz.
Куәгерлердің айтуынша, өрт пеш жағу бөлмесінен басталып, кейін ғимарат сыртындағы контейнерлерге тараған.
Ауылдағы жалғыз өрт сөндіру көлігі оқиға орнына дер кезінде жеткенімен, шлангісі қатып қалып, өртті сөндіре алмаған.
Тұрғындардың сөзіне қарағанда, Қояндыда өрт сөндіру көлігін сақтайтын жылыту боксы жоқ, сондықтан қыс мезгілінде техника жиі істен шығады.
Өртті Астанадан келген өрт сөндірушілер ауыздықтаған.
Қазіргі уақытта өрттің шығу себебі мен келтірілген материалдық залал көлемі анықталып жатыр.
