Көкшетау қаласында Жедел-құтқару жасағы мен қалалық полиция басқармасының қызметкерлері үшін «Ата-ана рөлдеріндегі гендерлік стереотиптер: дәстүрлер мен қазіргі заман» тақырыбында оқыту тренингі өткізілді. Іс-шараны «Сенімен болашақ» республикалық қоғамдық бірлестігінің Ақмола облыстық филиалының басшысы Айгүл Нұрмағанбетова және психолог, Ақмола облысы әкімінің әйелдер және отбасы мәселелері жөніндегі кеңесшісі Құралай Жұмабекова жүргізді.
Тренинг барысында қатысушылар әке мен ананың отбасындағы орны мен міндеттері жөніндегі дәстүрлі және заманауи көзқарастардың бала тәрбиесіне ықпалы талқыланды. Сарапшылар ерлі-зайыптылар арасындағы өзара құрмет, отбасылық міндеттерді тең әрі серіктестік негізде бөлу, сонымен қатар сындарлы қарым-қатынас қалыптастырудың маңызын атап өтті.
Іс-шара ата-ана болуға саналы көзқарасты нығайтуға, қоғамда қалыптасқан гендерлік стереотиптерді төмендетуге және отбасындағы үйлесімді өзара іс-қимыл мәдениетін дамытуға бағытталды. Ұйымдастырушылардың айтуынша, мұндай тренингтер қызметкерлердің кәсіби және жеке құзыреттерін кеңейтіп, отбасылық тұрақтылық пен қолайлы психологиялық климат құруға септігін тигізеді.
Тренингке қатысқандар бағдарламаның мазмұнын жоғары бағалап, отбасы және гендерлік мәдениет саласындағы ағартушылық жұмысты одан әрі дамытудың маңызын атап өтті.
