Көкшетау қаласындағы Ш. Уәлиханов атындағы Көкшетау университетінде құқық факультетінің студенттері үшін интернет-алаяқтыққа қарсы арнайы семинар ұйымдастырылды.
Бірінші және үшінші курс студенттері қатысқан шарада киберполиция қызметкері, майор Бекзат Назарова жас құқықгерлерге интернеттегі кең тараған алаяқтық схемалары, жеке деректерді қорғау жолдары, күдікті хабарламалар мен қоңырауларға қалай әрекет ету керектігі туралы түсіндірді. Сонымен қатар, дропперлікке қатысты заңнамалық жауапкершілік те түсіндірілді.
Студенттерге практикалық кеңестер қамтылған брошюралар таратылды. Шара интерактив форматта өтіп, әр қатысушы өз сұрақтарын қоя алды, пікірін білдірді және ұсыныстарын ортаға салды.
Ұйымдастырушылардың айтуынша, мұндай кездесулер жастардың құқықтық сауаттылығын арттырып қана қоймай, болашақ мамандарға кәсіби тәжірибеде пайдалы дағдылар береді.
