Ақмола облысы Төтенше жағдайлар департаменті Коныратбек Курманбаев атындағы Ақмола облыстық фтизиопульмонология орталығының аумағында өрт-тактикалық оқу-жаттығу өткізді.
Оқу-жаттығудың мақсаты – нысанның ерекшелігі мен құрылыстық сипаттарын ескере отырып, жеке құрамның іс-қимылдарын пысықтау.
Сценарий бойынша, орталықтың шатыр бөлмесінде электр сымдарының қысқа тұйықталуы салдарынан шартты өрт шықты. Оқу-жаттығуға жұмылдырылған күштер өрт туралы хабарлау, эвакуация ұйымдастыру және шартты өртті сөндіруге дейінгі барлық әрекеттерді орындады. Сонымен қатар, қауіпті аймақта қалып қойған өрт сөндіру қызметкерін құтқару шаралары да пысықталды.
Оқу-жаттығудың тағы бір мақсаты – мекеме қызметкерлерін осындай төтенше жағдайларда дұрыс әрекет етуге үйрету болды. Атап айтқанда, науқастар мен персоналды эвакуациялау, өрт сөндіру қызметімен бірлескен іс-қимылдар пысықталды.
Сонымен қатар, бөлімшелердің басқаруындағы басшылық құрамның іс-әрекеттерін тексеру жүргізілді.
Оқу-жаттығуға Ақмола облысы ТЖД-ның төрт өрт сөндіру бөлімінен келген 38 қызметкер мен 9 техника бірлігі қатысты. Сондай-ақ, коммуналдық қызметтер, медицина және құқық қорғау органдары өкілдері де жұмылдырылды.
Ақмола облысы ТЖД баспасөз қызметі.
