Есіл ауданы полиция бөлімінің қызметкерлері дропперлік — яғни банктік шоттарды заңсыз пайдалану фактісі бойынша қылмыстық іс жүргізіп жатыр.
2025 жылы өңір тұрғыны интернет-дүкеннен квадроцикл сатып алуды жоспарлап, 680 000 теңгені көрсетілген есепшотқа аударған. Алайда «сатушы» байланысқа шықпай қалды. Әйел өзі алаяқтыққа ұшырағанын түсініп, полицияға жүгінді.
Тексеру барысында қаралған шоттың иесі анықталды — Астана тұрғыны, жеке кәсіпкерлікпен айналысатын азық-түлік дүкенінің иесі.
Күдікті өз түсініктемесінде: белгісіз ер адам оған банктік шотты ақша аударымдары үшін пайдалану ұсынылғанын айтып, ол келісімін бергенін жеткізді. Шотқа түскен ақшаның бір бөлігін өзінде қалдырып, қалғанын қолма-қол ақшаға айналдырып, үшінші тұлғаға берген.
Осы әрекеттерге байланысты кәсіпкерге ҚР ҚК-нің 232-1-бабы (Банктік шотқа заңсыз қол жеткізу, төлемдер мен аударымдарды заңсыз жүргізу) бойынша қылмыстық іс қозғалды. Тергеу амалдары жалғасып жатыр.
Полиция атап өткендей, 2025 жылдан бастап дропперлік қылмыстық жауапкершілікке тартылатын әрекеттер қатарына енді. Өз шотыңызды үшінші тұлғаларға беру — «уақытша», «пайда үшін» немесе «көмек ретінде» болса да — заң бойынша қатаң жауапкершілікке әкеп соғады.
Қоғамдық қауіпсіздікке қатысты ескертулер:
-
Банк шотыңызды, карталарыңызды және онлайн-банкингке қолжетімділікті ешкімге бермеңіз;
-
«Оңай ақша табу» ұсыныстарына қатыспаңыз;
-
Күмәнді жағдай туындаса, дереу құқық қорғау органдарына хабарласыңыз.
Заманауи технологиялар арқылы қылмыстық схемаларда қолданылған шот иелерін тез анықтау мүмкіндігі бар. Тіпті бейсаналық қатысу да ауыр заңдық салдарға алып келуі мүмкін.
