Президент сапарына дайындық кезінде Көкшетау қаласы тап-таза, тәртіпті көрінді. Әкімдіктің қол астындағы мекемелер жанталасып, шашылған қоқыс оп-оңай «жоғалып», қаңғыбастар көзден ғайып болды. Шаһар жылтырап шыға келгендей еді.
Бірақ Президент кеткен соң «қала жылтырының» сырты тез-ақ ашылды. Редакциямызға хабарласқан оқырмандар Көкшетаудағы Центральный шағынауданында баяғы көрініс қайтадан қайталанғанын айтады. Қоқыс маңында топтасқан маскүнемдер, қолдарында бөтелке, жанында балалардың ойын алаңы.
Тұрғындар «баламыздың тыныштығы мен қауіпсіздігіне кім жауап береді?» деп ашынады. Расында да, бұл тек қоғамдық тәртіптің мәселесі емес, биліктің халық алдындағы бет-бейнесі. Өйткені бүгін көргеніміз — бір күндік «науқаншылдықтың» жемісі ғана.
Жауапты органдарға сауал: сіздер Президент үшін бе, әлде халық үшін жұмыс істейсіздер ме?
