Осыған орай өңір әкімі Марат Ахметжанов Есіл ауданындағы егіс алқаптарына барып, ораққа алғашқылардың бірі болып кіріскен шаруалардың жұмысымен танысты.
Биыл ақмолалық диқандарға 5,6 миллион гектар ауыл шаруашылығы дақылдарын жинау міндеті тұр. Көктемгі егіс жұмыстарының сапалы жүргізілуі, сондай-ақ мемлекет тарапынан жеңілдетілген қаржыландыру мен арзандатылған жанар-жағармай түріндегі қолдау мол өнім алуға берік негіз қалады.
«Барша диқандарға берекелі де табысты орақ маусымын тілеймін!» – деді Марат Ахметжанов.
Өңір басшысы егін орағын жоғары агротехникалық талаптарға сай әрі сапалы өткізу аса маңызды екенін атап өтті.
