Ақмола облысы әкімінің бірінші орынбасары Елдос Рамазанов жұмыс сапары барысында Степногорск қаласындағы басты әлеуметтік жобалармен танысты.
Жұмыс сапары аясында ол «Алтыналмас» АҚ алтын өндіру компаниясымен меморандумға сәйкес салынатын көпфункционалды дене шынықтыру-сауықтыру кешенінің құрылыс барысымен танысты. Кешенде 320 орындық трибунасы бар жаттығу және әмбебап ойын залдары, бассейн, сондай-ақ бокс, күрес, гимнастика және үстел теннисі залдары қарастырылған. Ол нысанды сапасын жоғалтпай, 2026 жылы уақытында пайдалануға беру жөнінде тапсырма берді.
Бестобе кентінде әкім орынбасары дене шынықтыру-сауықтыру және ашық спорт кешендерінің құрылыс алаңдарымен танысты. Мердігер ұйымдарға келісімшарт және тұрғындарға берілген әлеуметтік міндеттемелерді толық көлемде және мерзімінде орындау тапсырылды.
Сондай-ақ, Елдос Рамазанов үш 45-пәтерлі тұрғын үйдің жағдайымен танысты. Қазіргі уақытта барлық үйлерде негізгі құрылыс-монтаж және қалпына келтіру жұмыстары аяқталған. Пайдалануға беру келесі айларда жоспарланып отыр, содан кейін үйлер кезек күтушілерге арналған кредиттік тұрғын үйді бөлу үшін «Отбасы банк» АҚ-ға беріледі.
Келесі объектілердің бірі – заманауи өндірістік алаң қалыптастыру бойынша жұмыс жүріп жатқан индустриалды аймақ болды. Аймақтың жалпы аумағы 125 га және 11 өндірістік учаскені орналастыру қарастырылған. Сонымен қатар 15 га жол-көлік инфрақұрылымын, теміржол желілерін, инженерлік коммуникациялар мен байланыс желілерін дамытуға бөлінген. Жобада 30 га аумақты алатын жеке субаймақ та қарастырылған, ол 6 учаскеден 4,5 га болады.
«Қазіргі уақытта конкурс нәтижесі бойынша мердігер – «АрхНана-Проект» ЖШС анықталды. Барлық бастапқы материалдар жобалау ұйымына берілді, қосымша деректер жиналып, құзырлы органдарға тиісті сұраулар жіберілді. Қазіргі таңда топографо-геодезиялық зерттеулер жүргізілуде», – деп хабарлады сәулет және қала құрылысы бөлімінің басшысы Қайрат Жұмабаев.
Әкім орынбасарына индустриалды аймақты мамыр айының соңына дейін уақытша электр және су желілерімен қамтамасыз ету тапсырылды.
Елдос Рамазанов «Степногорск ТЭЦ» ЖШС – өңірдің ірі энергетикалық кәсіпорындарының бірін аралады. Кәсіпорында келесі жылу беру маусымына дайындық жөніндегі жөндеу жұмыстары басталды. Сондай-ақ жылу желілері және ТЭЦ-тің магистральдық желісін реконструкциялау жобалары қаралды. ТЭЦ басшысына келесі жылу беру маусымы басталмай тұрып нысанды «қызыл аймақтан» шығару тапсырылды.
Әкім орынбасары инфрақұрылымдық жобаларды уақытында іске асырудың және энергетикалық нысандарды келесі жылу беру маусымына сапалы дайындаудың маңыздылығын атап өтіп, мерзімдерді қатаң сақтау және өңірдегі өмірлік маңызы бар жүйелердің сенімділігін қамтамасыз ету, желілердің тозуын азайту қажеттігін айтты.
Айта кету керек, ТЭЦ – Степногорск қаласындағы орталықтандырылған жылумен қамтамасыз етудің жалғыз көзі. Жылумен қамтылған тұрғын үй қоры 545 үйді құрайды, сондай-ақ 66 әлеуметтік және 27 өндірістік нысан жылумен қамтамасыз етіледі.
Жұмыс сапары азаматтарды жеке қабылдаумен аяқталды.
