Биыл Қосшы қаласы маңызды мерейтойын атап өтуде – қала мәртебесін алғанына бес жыл толды. Мемлекет Басшысының бұл шешімі елді мекеннің дамуы үшін стратегиялық маңызды кезең болды. Юбилей жылы қала жоғары азаматтық белсенділікпен ерекшеленеді: бүгін республикалық «Таза Қазақстан» акциясы аясында «Жаңа қала – Таза қала» атты ауқымды экоплоггинг өтті.
Іс-шараға шамамен мың адам қатысты: «Amanat» партиясының өкілдері, қалалық мәслихат депутаттары, кәсіпкерлер, еріктілер және белсенді жастар. Плоггинг форматы қатысушыларға физикалық белсенділікті қаланы абаттандыруға нақты үлес қосумен үйлестіруге мүмкіндік берді – жүгіру барысында командалар қалалық аумақтарды қоқыстан тазалады.
Акцияның ресми бастамасын облыс әкімінің орынбасары Досұлан Айтбаев берді, жаңа экологиялық жауапкершілікті қалыптастырудың маңыздылығын атап өтті.
«Бүгін біз «Жаңа қала – Таза қала» атты ауқымды экологиялық акция аясында біріктік. Оған тек қала тұрғындары ғана емес, облысымыздың барлық аймақтарынан белсенділер қатысуда. Мұндай бастамаларды қолдау – асыл іс, оған Мемлекет Басшысы ерекше мән береді», – деп атап өтті әкім орынбасары.
Қатысушыларға аумақтарды тиімді қамту үшін олар тоғыз топқа бөлініп, әр топқа көшелер мен саябақ зоналары бекітілді. Қала тұрғындары мұндай бастамалар қала өміріне қатысуға тұрақты үрдіс қалыптастыратынын айтады.
«Бұл мен үшін басқаларға үлгі көрсету мүмкіндігі. Біз жас әрі әсем қалада өмір сүреміз, және оны осындай қалпында сақтау – біздің міндетіміз. Көшеге жүздеген адамдар тазалық үшін шыққанын көргенде шабыттанасың», – деп бөлісті белсенділердің бірі Олеся Манжура.
«Таза Қазақстан» жобасын жүзеге асыру басталғаннан бері Қосшыда кешенді жұмыстар жүргізілді: тарихи-мәдени нысандар ретке келтірілді, су айдындарының жағалаулары тазаланды, мыңдаған көшеттер отырғызылды және балалар алаңдары абаттандырылды. Экоплоггинг осы стратегияның логикалық жалғасы болып, юбилей жылы Қосшы қаласы қоршаған ортаға деген сақтық мәдениетін тұрақты түрде қалыптастырып жатқанын дәлелдейді.
