Көкшетауда көлікті мамандандырылған айыппұл тұрағынан алу кезінде жалған құжат қолдану фактісі бойынша сотқа дейінгі тергеу басталды.
Оқиға Көкшетау қаласы, Шығыс өнеркәсіп аймағында орналасқан мамандандырылған айыппұл тұрағында тіркелді. Көлікті алып кетуге рұқсат берілген құжатты көрсеткен ер адамның құжатына басқарушының қырағылығы күмән туғызды.
Тергеу барысында полицейлер ұсынылған рұқсат қағаздың мөрінің жалған екенін анықтады. Белгілі болғандай, автокөлік 2025 жылы мас күйде көлік құралын басқарғаны үшін арнайы айыппұл тұрағына қойылған. Сонымен қатар, көліктің 2018 жылдан бері Ресей Федерациясының аумағында іздеуде екені белгілі болды.
Қазіргі уақытта көрінеу жалған құжатты пайдалану фактісі бойынша сотқа дейінгі іс жүргізу жүріп жатыр. Бірқатар сараптамалар тағайындалып, олардың нәтижелері бойынша заңнамаға сәйкес іс бойынша шешім қабылданатын болады.
Полиция жүргізушілерге заңсыз жолмен мәселелерді шешуге тырыспауға, заңды айналып өту әрекеттері жауапкершілікке әкелетінін ескертеді.
