Ақмола облысында 26 қыркүйекте «Астана–Петропавл» тас жолының 289-шақырымында Hyundai Santa Fe автокөлігі КамАЗ-55111 көлігімен соқтығысты, деп хабарлады облыстық полиция департаментінің баспасөз қызметі.
«Ауыр соққы салдарынан Hyundai көлігінің 16 жастағы жолаушысы жедел жәрдем көлігінде көз жұмды. Сондай-ақ 65 жастағы жолаушы түрлі жарақатпен ауруханаға жеткізілді», – делінген ведомствоның хабарламасында.
Ведомствоның мәліметінше, аталған дерек бойынша сотқа дейінгі тергеу басталды. Оның нәтижесінде процессуалдық шешім қабылданады.
Полиция жүргізушілерге жылдамдық режимін қатаң сақтау және көлік құралдарының техникалық жағдайына ерекше мән беруді ескертеді. Әсіресе қозғалысы қарқынды жол учаскелерінде сақ болу қажеттігі айтылды.
