Макинск құс фабрикасындағы жағдай көпшіліктің назарын аударды және Макинск қаласының тұрғындары арасында резонанс тудырды.
Айта кетсек, 21 маусымда кәсіпорынның алты қызметкері жабдықты тазалау кезінде хлор буына уланып ауруханаға жүгінді.
Бұланды ауданының әкімдігі мәселені бақылауда ұстауда. Бұл іске еңбек департаменті де араласты.
«Макинск құс фабрикасы» ЖШС-і ресми түсініктеме берді:
«2025 жылдың 21 маусымында «Макинск құс фабрикасы» ЖШС-де өндірістік корпустардың бірін жоспарлы санитарлық өңдеуден кейін дезинфекторлар бригадасының бес қызметкері өздерін нашар сезінді. Алдын ала мәліметтер бойынша, үй-жайларды жуу кезінде қолданылатын хлор бар ерітінді әл-ауқаттың нашарлауына себеп болуы мүмкін.
Қызметкерлер уақтылы медициналық көмекке жүгінді, қазіргі уақытта олар амбулаториялық ем қабылдап жатыр.
Қолданыстағы заңнамаға сәйкес уәкілетті органдар хабардар етілді. Бұдан басқа, Холдингтің ішкі регламенттері шеңберінде инцидентті егжей-тегжейлі талдау және болашақта осындай жағдайлардың алдын алу мақсатында қызметтік тергеу басталды.
Еңбекті қорғау, санитарлық нормаларды сақтау және қызметкерлердің қауіпсіздігін қамтамасыз ету мәселесі біз үшін басымдық болып қала береді және тұрақты бақылауда», — деп түсіндірді фабрика өкілдері.
Алайда, хлордан зардап шеккен қызметкерлер кәсіпорынға қатысты талаптардан бас тартқан.
