Степняк қаласында тұрғындар жылудың жоқтығынан қауіп-қатерге тап болды. Қаладағы коммуналдық қызметкерлер айлап күттірген еңбекақысын алғанымен, отын сапасыз, дизель генераторы істен шыққан, жылу трассасы дұрыс тартылмаған.
От жағушылар қанша тырысқанымен көмірдің сапасы өте төмен, электр жарығының өшіп қалуы, жылу желісі ақау тұрғындардың үйлеріне жылуды жеткізе аламай отыр.
Тұрғындар әлеуметтік желіде шағым жасап, бейнежазбаларымен бөлісті. «Бірнеше жыл бойы осылай» дейді олар. Қала тұрғындары қыс басталай жатып, жаурап отыр.
Посмотреть эту публикацию в Instagram
Мекеме басшылығы ауысты, жаңа директор жергілікті. Бірақ проблема шешілген жоқ: генератор істен шыққан, жылу айналымы бұзылған, көмір сапасы сын көтермейді. Бұл қала тұрғындарын алаңдатып отыр.
Коммуналдық қызметтер «генератор жөнделеді, жылу желісіне қосымша насос қойылады, көмір сынамалары зауытқа жіберілді», деп халыққа уәдені үйіп-төгуде. Дегенмен, Степняк тұрғындары биліктің уәделеріне емес, алдағы қыстың қатал болатынына сенеді.
Біржан сал ауданының ТКШ, ЖМ, АҚ және ЖИ бөлімі тұрғындарға тұрақты жылумен жабдықтауды қамтамасыз ету мәселелері тұрақты бақылауда екенін хабарлайды.
Бүгінгі күнге дейін:
* Қалада электрмен жабдықтау қалпына келтірілді, қазандықтар штаттық режимде жұмыс істейді.
* Жылумен жабдықтау жүйесіндегі температуралық режим теңестіріледі, жылу беру параметрлерін реттеу және арттыру жүргізіледі.
* Сапасыз көмірді жеткізу фактісі бойынша тексеру жүргізілді, зертханалық сараптамаға жіберілген сынақ қаптары іріктелді.
* Дизельді генератор бойынша: диагностика жүргізілді, оны жөндеу туралы шешім қабылданды. Қажет болған жағдайда қазандықтың үздіксіз жұмыс істеуі үшін қосымша дербес қуат көзі уақытша пайдаланылатын болады.
* Жылумен жабдықтау объектілеріндегі барлық қауіпсіздік шаралары бақыланады.
Біз тұрғындардың алаңдаушылығын түсінеміз және белсенді азаматтық ұстанымымыз үшін алғыс айтамыз. Барлық өтініштер жедел қабылданады және қаралады. Мақсат-дала тұрғындарының үйлері жылы әрі тыныш болуы үшін жылыту маусымының тұрақты және қауіпсіз өтуін қамтамасыз ету.