Ақмола облысында педагог-психологтердің кәсіби біліктілігін арттыру және үздік тәжірибелерін насихаттау мақсатында дәстүрлі «Ең үздік психолог» аймақтық байқауы өтті. Биылғы жылы сайысқа өңірдің білім беру ұйымдарынан 30 педагог-психолог қатысып, өзара бақ сынасты.
Байқау барысында қатысушылардың кәсіби шеберлігі, жұмыс тәжірибесі, заманауи әдістемелерді қолдану дағдылары мен балаларға психологиялық қолдау көрсету бағытындағы ізденістері жан-жақты бағаланды. Тәуелсіз қазылар алқасы үміткерлердің еңбегін үш санат бойынша саралады:
-
I санат – жұмыс өтілі 3–5 жыл;
-
II санат – жұмыс өтілі 5–7 жыл;
-
III санат – жұмыс өтілі 7 жылдан астам мамандар.
Нәтижесінде үздік деп танылған педагог-психологтер анықталды.
I санат бойынша:
-
II орын – Кәмила Маратқызы Алпыспаева, Бурабай кентіндегі Сәкен Сейфуллин атындағы жалпы орта мектептің педагог-психологі;
-
III орын – Бану Серікқызы Қуандықова, Көкшетау жоғары медициналық колледжінің педагог-психологі.
II санат бойынша:
-
II орын – Айдана Мұратқызы Рысмағанбетова, Көкшетау қаласындағы Абай атындағы дарынды балаларға арналған №3 облыстық мамандандырылған мектеп-интернатының педагог-психологі;
-
III орын – Нина Владимировна Кузьминова, Степногорск қаласындағы «Балдырған» №2 балабақшасының педагог-психологі.
III санат бойынша:
-
I орын – Сәния Есенжолқызы Бостанова, Біржан сал ауданы Мақпал ауылының негізгі орта мектебінің педагог-психологі;
-
II орын – Карина Александровна Тимофеева, Аршалы кентіндегі агротехникалық колледждің педагог-психологі;
-
III орын – Ольга Викторовна Әділбекова, Степногорск қаласының Заводской кентіндегі жалпы орта мектептің педагог-психологі.
Бұдан бөлек, кәсіби біліктілігі мен шығармашылық әлеуеті жоғары мамандар арнайы номинациялармен марапатталды:
-
Марина Алексеевна Ли — «Кәсіби шеберлік» номинациясы бойынша;
-
Зайра Мұратқызы Бекішова — «Креативті психолог» номинациясы бойынша;
-
Екатерина Александровна Черепанова — «Жылдың серпілісі» номинациясы бойынша.
Байқау тәжірибе алмасу, кәсіби жетістіктер мен оқушыларды психологиялық-педагогикалық сүйемелдеу саласындағы заманауи тәсілдерді таныстыру алаңына айналды.
Жеңімпаздар мен жүлдегерлерге алғыс білдіріліп, олардың еңбегі жоғары бағаланды.
